Қазақстандық кәсіпқой боксшы Данияр Елеусінов (7-0, 3 КО) Нью-Йорктегі бокс кешінің қатысушыларымен бірге ашық жаттығу өткізді, - деп хабарлайды Tengrinews тілшісі Vesti.kz сайтына сілтеме жасап.
13 қыркүйекте Madison Square Garden аренасының Hulu Theather шағын залында Елеусінов әлі жеңілмеген 34 жастағы америкалық Решард Хикспен (12-0-1, 6 КО) жұдырықтасады. Жартылай орта салмақтағы кездесу он раундқа есептелген.
Елеусінов пен Хикс жұдырықтасатын бокс кешінің басты жекпе-жегінде америкалық Девин Хэйни мен ресейлік Заур Абдуллаев кездесіп, жеңіл салмақта WBC "уақытша" чемпионы титулын сарапқа салады. АҚШ-та шоуды DAZN стриминг сервисі тікелей эфирде көрсетеді.
Добавить комментарий