"Қазақфильм" киностудиясына жаңа президент тағайындалды. Бұл қызметке Арман Әсенов келді, - деп хабарлайды Tengrinews.kz тілшісі.
"ҚР мәдениет және спорт вице-министрі Нұрқиса Дәуешов Шәкен Айманов атындағы "Қазақфильм" АҚ ұжымымен кездесуде киностудия президентінің міндетін атқарушы болып тағайындалған Арман Әсеновті таныстырды", - деп хабарлады ведомствоның баспасөз қызметіндегілер.
Арман Әсенов 1972 жылы 17 сәуірде дүниеге келген, актер, продюсер. 2017 жылдың 6 қаңтарынан бүгінге дейін "Республика алаңы" ЖШС директоры болып қызмет еткен. 1995-2000 жылдары "Қазақфильм" АҚ продюсері қызметін атқарып, осы күнге дейін киностудияда түрлі қызметтерде болған. Жастар сыйлығының лауреаты және көптеген мемлекеттік және мерейтойлық наградаларының иегері.
Айта кетейік, 9 тамызда Бақыт Қайырбеков "Қазақфильм" президенті қызметінен кеткен болатын.
Добавить комментарий